જો તમે પણ વિચારતા હોવ કે ઔષધીય ગુણોથી ભરપૂર મીઠા લીમડાનો ઉપયોગ માત્ર ભોજનનો સ્વાદ વધારવા માટે જ કરવામાં આવે છે, તો તમારે આ ગેરસમજ દૂર કરવી જોઈએ. મીઠો લીમડો તમારા સ્વાસ્થ્ય પર ફાયદાઓ વરસાવી શકે છે. જો તમે પણ તેનું પાણી પીવાના કેટલાક અદ્ભભૂત ફાયદાઓ વિશે જાણતા નથી. તો તમારે પણ આ નેચરલ ડ્રિંકને માત્ર એક અઠવાડિયા માટે તમારા આહારનો ભાગ બનાવવાનો પ્રયાસ કરવો જોઈએ.
મીઠા લીમડાનું પાણી કેવી રીતે બનાવશો ?
મીઠા લીમડાનું પાણી બનાવવા માટે સૌપ્રથમ એક કડાઈમાં એક ગ્લાસ પાણી નાખો. હવે આ પાણીમાં મુઠ્ઠીભર મીઠો લીમડો ઉમેરીને સારી રીતે ઉકાળો. ઉકાળ્યાં પછી, જ્યારે આ પાણી થોડું ઠંડુ થાય, ત્યારે તમે તેને ગાળીને પી શકો છો. સારા પરિણામો મેળવવા માટે તમારે સવારે વહેલા ઉઠીને મીઠા લીમડાનું પાણી પીવું જોઈએ. તેનું પાણી તમારા હૃદયના સ્વાસ્થ્યથી લઈને તમારા યકૃતના સ્વાસ્થ્ય માટે ફાયદાકારક સાબિત થઈ શકે છે.
તમને માત્ર લાભ જ મળશે
દરરોજ મીઠા લીમડાનું પાણી પીવાથી તમે તમારી વજન ઘટાડવાની યાત્રાને ઘણી હદ સુધી સરળ બનાવી શકો છો. તમારા શરીરમાં સંગ્રહિત વધારાની ચરબીને બાળવામાં તેનું પાણી અસરકારક સાબિત થઈ શકે છે. આ સિવાય જો તમે તમારી રોગપ્રતિકારક શક્તિને મજબૂત કરવા માંગો છો તો તમારે મીઠા લીમડાનું પાણી પીવાનું શરૂ કરી દેવું જોઈએ. તેનું પાણી તમારા આંતરડાના સ્વાસ્થ્ય માટે પણ ફાયદાકારક સાબિત થઈ શકે છે, એટલે કે એસિડિટી અને કબજિયાત જેવી પેટ સંબંધિત સમસ્યાઓથી પોતાને બચાવવા માટે આ પાણી પી શકાય છે.
મીઠા લીમડામાં જોવા મળતા તત્વો
મીઠા લીમડામાં સારી માત્રામાં આયર્ન, કેલ્શિયમ, પ્રોટીન, વિટામિન્સ, એન્ટી-ઓક્સિડેન્ટ, એન્ટિ-માઈક્રોબાયલ ગુણો જોવા મળે છે. આ જ કારણ છે કે આયુર્વેદ અનુસાર મીઠો લીમડાને સ્વાસ્થ્ય માટે વરદાન માનવામાં આવે છે.
(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ. કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીને લગતી કોઇ પણ જવાબદારી સ્વીકારતું નથી)
