રાજકોટઃ એસીબીએ સ્કૂલના ટ્રસ્ટી અને ક્લાર્કને રૂ. 2 લાખની લાંચ લેતા ઝડપી લીધા છે. ગુણવંતરાય ચુનીલાલ ખીરા, ઉ.વ.74, ગાયત્રી એજ્યુકેશન ટ્રસ્ટ મેનેજીંગ ટ્રસ્ટી, ગામ-પાળ તા.લોધીકા જી.રાજકોટ અને ધર્મેન્દ્ર ભાનુશંકરભાઇ ખીરા,ઉ.વ.55, કલાર્ક, ગાયત્રી હાઇસ્કૂલ ગામ-પાળ તા.લોધીકા જી.રાજકોટે 2 લાખ રૂપિયાની લાંચ લીધી અને એસીબીએ તેમને ઝડપી લીધા હતા.
બનાવનુ સ્થળઃ જલદિપ 2/16 વાણીયાવાડી, રાજકોટ શહેર
ફરીયાદી ગાયત્રી હાઇસ્કૂલમા ફરજ બજાવી નિવૃત થયા હતા. તેઓને મોંઘવારીના 53 % મુજબ એરીયર્સ બીલની રકમ તથા રજા રોકડ રૂપાંત્તરની રકમ મળીને અંદાડે 12 લાખ 15 હજાહ રૂપિયા મળવા પાત્ર હતા. જેમાં આરોપીઓએ તેમની પાસે 3 લાખ રૂપિયાનો વહીવટ માંગ્યો હતો, જે રકઝકને અંતે 2 લાખ રૂપિયા નક્કિ કરાયા હતા, જે રકમ ઘરે આપી જવા કહેવામાં આવ્યું હતુ.
ફરિયાદી લાંચ આપવા માંગતા ન હોવાથી તેમને એસીબીમાં ફરિયાદ કરી હતી. જેમાં બંને આરોપીઓ લાંચ લેતા એસીબીના છટકામાં આવી ગયા હતા.
ટ્રેપીંગ અધિકારી: આર.આર.સોલંકી,
પોલીસ ઇન્સ્પેકટર એ.સી.બી. પો.સ્ટે.રાજકોટ શહેર તથા સ્ટાફ
સુપરવિઝન અધિકારી: જે.એમ.આલ,
ઈ/ચા.મદદનીશ નિયામક, એ.સી.બી. રાજકોટ એકમ
