વડોદરાઃ એસીબીએ ટ્રેપ કરીને અનાર્મ લોક રક્ષકને ઝડપી લીધો છે. સરકાર તરફથી એ.એન.પ્રજાપતિ, પોલીસ ઈન્સ. વડોદરા શહેર એ.સી.બી, પોલીસ સ્ટેશને આ ડિકોયર કરી હતી. જેમાં અશોકકુમાર કનુજી મકવાણા, અનાર્મ લોક રક્ષક,વર્ગ-3, નોકરી- મોતીબાગ ટોઈંગ સ્ટેશન,પૂર્વ ઝોન, વડોદરા શહેર ટ્રાફિક શાખાને રૂપિયા 400 ની લાંચ લેતા ઝડપી લેવામાં આવ્યો છે.
એ.સી.બીને માહીતી મળી હતી કે,વડોદરા શહેરના જુદા જુદા વિસ્તારોમાં નો પાર્કિંગ ઝોનમાં રહેલા વાહનોને વડોદરા શહેર ટ્રાફિક દ્વારા ટોઈંગ કરી ટોઈંગ સ્ટેશન ખાતે લાવવામાં આવે છે, જ્યાં ટોઈંગ સ્ટેશન ખાતે ફરજ પરના ટ્રાફિકના પોલીસ કર્મચારીઓ જુદા બહાના હેઠળ વાહન ચાલકોને મેમો નહીં આપવા બદલ વાહન ચાલકો પાસેથી રૂ.500 થી 700 સુધીની લાંચની માંગણી કરતા હતા. જેને આધારે ડીકોયરનો સાથ સહકાર મેળવીને ડિકોય છટકાનું આયોજન કરવામાં આવ્યું હતુ. ડીકોય લાંચના છટકા દરમિયાન આરોપીએ ડિકોયરનું વાહન નો પાર્કિંગમાં મુકેલ હતુ જેથી તેને ટોઈંગ સ્ટેશન ખાતે લાવીને રૂપિયા 400ની લાંચ માંગવામાં આવી હતી. જેમાં આરોપી ઝડપાય ગયો છે.
ડીકોય કરનાર અધિકારીઃ એ. એન. પ્રજાપતિ
પોલીસ ઇન્સ્પેકટર, વડોદરા શહેર એ.સી.બી. પો.સ્ટે. તથા ટીમ
સુપરવિઝન અધિકારીઃ પી.એચ. ભેસાણીયા,
મદદનીશ નિયામક, એ.સી.બી., વડોદરા એકમ
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
