આંધ્રપ્રદેશઃ આ દિવસોમાં તિરુમાલા તિરુપતિ દેવસ્થાનમ (TTD) પ્રસાદના લાડુમાં પ્રાણીઓની ચરબી ભેળવવાના વિવાદને લઈને દેશમાં હોબાળો ચાલી રહ્યો છે. આંધ્રપ્રદેશના મુખ્યમંત્રી ચંદ્રબાબુ નાયડુએ અગાઉની સરકાર પર તિરુપતિના લાડુમાં પશુઓની ચરબી સહિત હલકી ગુણવત્તાવાળા ઘટકોનો ઉપયોગ કરવાનો આરોપ લગાવ્યાં બાદ વિવાદ ફાટી નીકળ્યો છે.
આ વિવાદમાં અમૂલ ડેરીનું નામ આવ્યું છે, ડેરીએ તિરુપતિ મંદિરમાં ઘી સપ્લાય કર્યું હતું. પરંતુ હવે આ વિવાદ પર અમૂલનું નિવેદન સામે આવ્યું છે. અમૂલે શુક્રવારે એક નિવેદન જારી કરીને જણાવ્યું કે કંપનીએ ક્યારેય તિરુમાલા તિરુપતિ દેવસ્થાનમ (TTD) ને ઘી સપ્લાય કર્યું નથી.
ઘી સંપૂર્ણપણે દૂધની મલાઇમાંથી બને છેઃ અમૂલ
X પર અમૂલ દ્વારા એક નિવેદનમાં ભાર મૂકવામાં આવ્યો હતો કે તેનું ઘી સંપૂર્ણપણે દૂધની મલાઇમાંથી બનાવવામાં આવે છે અને તેના ઉત્પાદનોની ગુણવત્તાની સખત તપાસ કરવામાં આવે છે.
આ કેટલીક સોશિયલ મીડિયા પોસ્ટમાં ઉલ્લેખ કરવામાં આવ્યો છે કે અમૂલ ઘી તિરુમાલા તિરુપતિ દેવસ્થાનમ (TTD) ને સપ્લાય કરવામાં આવી રહ્યું હતું. અમે જણાવવા ઈચ્છીએ છીએ કે અમે ક્યારેય TTD ને અમૂલ ઘી સપ્લાય કર્યું નથી.
અમૂલ ઉત્પાદનો સખત પરીક્ષણમાંથી પસાર થાય છે
અમૂલે જણાવ્યું હતું કે અમે એ પણ સ્પષ્ટ કરવા ઈચ્છીએ છીએ કે અમૂલ ઘી અમારી અત્યાધુનિક ઉત્પાદન સુવિધાઓમાં દૂધમાંથી બનાવવામાં આવે છે, જે ISO પ્રમાણિત છે. અમૂલ ઘી ઉચ્ચ ગુણવત્તાની શુદ્ધ દૂધની મલાઇમાંથી બનાવવામાં આવે છે. અમારી ડેરીઓ પર પ્રાપ્ત દૂધ FSSAI દ્વારા નિયમો મુજબ ભેળસેળની તપાસ સહિત ગુણવત્તાની તપાસમાંથી પસાર થાય છે.
ઘી સપ્લાયર્સે સ્થાનિક પરીક્ષણ સુવિધાના અભાવનો લાભ લીધો: તિરુપતિ સંસ્થા
તિરુમાલા તિરુપતિ દેવસ્થાનમ (TTD) એ જણાવ્યું હતું કે મંદિર મંડળે ઘી સપ્લાય કરવા માટે ઘરેલુ પરીક્ષણ સુવિધાના અભાવનો લાભ લીધો હતો .ટીટીડીના એક્ઝિક્યુટિવ ઓફિસર જે શ્યામલા રાવે જણાવ્યું હતું કે લેબ ટેસ્ટમાં પસંદ કરાયેલા સેમ્પલમાં પ્રાણીની ચરબીની હાજરી જોવા મળી હતી. આ મામલે હવે કરોડો શ્રદ્ધાળુઓમાં રોષ ફાટી નીકળે તેવી સ્થિતી ઉભી થઇ છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
