પૂંછઃ શનિવારે સાંજે લગભગ 6.15 કલાકે પૂંછ જિલ્લાના સુરનકોટ વિસ્તારમાં એરફોર્સના કાફલા પર આતંકવાદીઓ દ્વારા થયેલા હુમલામાં એક જવાન શહીદ થયો હતો. અન્ય ચાર ઘાયલ થયા છે. આતંકવાદીઓએ કાફલાના બે વાહનોમાંથી એકને નિશાન બનાવ્યું અને અંધાધૂંધ ગોળીબાર કર્યો હતો. વાયુસેનાના પ્રવક્તાએ ટ્વિટર પર જણાવ્યું કે આતંકવાદીઓ સાથેની અથડામણમાં પાંચ જવાનો ઘાયલ થયા છે. તેમને નજીકની હોસ્પિટલમાં સારવાર અર્થે ખસેડાયા છે. સારવાર દરમિયાન એક જવાન શહીદ થયા હતા. સ્થાનિક સૈન્ય એકમો દ્વારા વિસ્તારને ઘેરીને સર્ચ ઓપરેશન હાથ ધરવામાં આવ્યું છે.
શશીધર પાસે આતંકવાદીઓએ લશ્કરી વાહનો પર હુમલો કર્યો હતો. એરફોર્સના બે વાહનો સુરનકોટ વિસ્તારમાં સનાઈ ટોપ પર પાછા ફરી રહ્યાં હતા. વાહનો આવતાની સાથે જ આતંકીઓએ પહેલેથી જ એક વાહનને નિશાન બનાવીને અંધાધૂંધ ગોળીબાર કર્યો. હુમલા બાદ ભારતીય સેનાની વધારાની ટુકડીઓ પૂંછના જરાવલી ગલી પહોંચી ગઈ છે.
#WATCH | J&K: Additional forces of the Indian Army reached the Jarra Wali Gali (JWG) in Poonch.
— ANI (@ANI) May 4, 2024
An Indian Air Force vehicle convoy was attacked by terrorists in the Poonch district.
One of the five Indian Air Force soldiers injured in the terrorist attack has passed away in… pic.twitter.com/7dv6CIc75F
ડિસેમ્બર બાદ પૂંછમાં ત્રીજો હુમલો
આ પહેલા 12 જાન્યુઆરીએ આતંકવાદીઓએ કૃષ્ણા ઘાટી વિસ્તારમાં સૈન્યના વાહનોને નિશાન બનાવ્યાં હતા, જેમાં ચાર જવાનો શહીદ થયા હતા. આ પહેલા 22 ડિસેમ્બર 2023ના રોજ ડેરા કી ગલી વિસ્તારમાં લશ્કરી વાહનો પર હુમલો કરવામાં આવ્યો હતો.
રાહુલ ગાંધીએ શોક વ્યક્ત કર્યો હતો
કોંગ્રેસ નેતા રાહુલ ગાંધીએ આતંકવાદી હુમલાને શરમજનક ગણાવ્યો અને સૈનિકના બલિદાન પર શોક વ્યક્ત કર્યો હતો. હું શહીદ સૈનિકને મારી નમ્ર શ્રદ્ધાંજલિ અર્પણ કરું છું અને તેમના શોકગ્રસ્ત પરિવાર પ્રત્યે મારી સંવેદના વ્યક્ત કરું છું. આ હુમલામાં ઘાયલ થયેલા જવાનો ઝડપથી સ્વસ્થ થાય તેવી પ્રાર્થના કરું છું.
जम्मू कश्मीर के पुंछ में हमारी सेना के काफिले पर कायराना और दुस्साहसी आतंकी हमला बहुत ही शर्मनाक है, दुखद है।
— Rahul Gandhi (@RahulGandhi) May 4, 2024
शहीद जवान को मैं अपनी विनम्र श्रद्धांजलि अर्पित करता हूं और उनके शोकसंतप्त परिजनों को संवेदनाएं व्यक्त करता हूं। हमले में घायल जवानों के जल्द से जल्द स्वस्थ होने की आशा…
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
