રાજકોટઃ એક એવો વીડિયો સામે આવ્યો છે, જે પોલીસ તંત્ર પર ગંભીર પ્રશ્નો ઉભા કરે છે. શહેરના ગાંધીગ્રામ પોલીસ સ્ટેશનની અંદર શૂટ કરાયેલો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. પોલીસ સ્ટેશનમાં એક સગીર આરોપીના વાળ ખેંચીને તોડાઇ રહ્યાં છે. પીડાથી કણસતો આ સગીર વારંવાર વિનંતી કરતો જોવા મળે છે કે તેના વાળ કાતરથી કાપવામાં આવે પણ તોડવામાં ન આવે. આઘાતજનક રીતે તે માણસ હસતો હસતો ક્રૂર વર્તન કરતો રહ્યો, જ્યારે પોલીસકર્મીઓ જાણે કંઈ બન્યું જ ન હોય તેમ પોતાના રોજિંદા કામમાં લાગી ગયો હતો.
શું છે આખો મામલો ?
આ ઘટના 31 ઓગસ્ટના રોજ બની હતી. તે દિવસે છરીના હુમલાના કેસમાં ચાર આરોપીઓની ધરપકડ કરવામાં આવી હતી અને તેમને ગાંધીગ્રામ પોલીસ સ્ટેશન લાવવામાં આવ્યાં હતા. આરોપીઓમાંથી એક સગીર હતો. આ સગીર સાથે થર્ડ-ડિગ્રી ક્રૂરતાનો ભોગ બન્યો હતો. તપાસમાં જાણવા મળ્યું કે આ ક્રૂરતાનો ગુનેગાર શૈલેષ છે, જે પોલીસ સ્ટેશનમાં સફાઈ કામદાર તરીકે કામ કરે છે.
વીડિયોમાં દેખાતા આરોપી શૈલેષ સામે ફરિયાદ નોંધવાની પ્રક્રિયા શરૂ કરવામાં આવી છે. ઘટના સમયે હાજર પોલીસકર્મીઓ સામે તપાસ કરવા અને કાર્યવાહી કરવાનો આદેશ પણ એસીપીને આપવામાં આવ્યો છે.
વીડિયો વાયરલ થયા બાદ સ્થાનિક ધારાસભ્ય ડૉ. દર્શિતા શાહે પોલીસ કમિશનરને આ મામલે કડક કાર્યવાહી કરવાનો નિર્દેશ આપ્યો છે. આરોપીઓ સામે કાયદેસર કાર્યવાહી થવી જોઈએ. પોલીસ સ્ટેશનની અંદર આવું અમાનવીય વર્તન કોઈ પણ સંજોગોમાં અસ્વીકાર્ય છે. આ ઘટનામાં સામેલ વ્યક્તિઓ અને હાજર પોલીસકર્મીઓ સામે કડક કાર્યવાહી થવી જોઈએ.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++