નવી દિલ્હીઃ દિવાળીના તહેવારને લઈને દેશભરના લોકોમાં ઉત્સાહ છે. વડાપ્રધાન નરેન્દ્ર મોદીએ આ અવસર પર દેશવાસીઓને શુભેચ્છા પાઠવી છે. તેમને સોશિયલ મીડિયા સાઈટ X પર લખ્યું કે દેશવાસીઓને દિવાળીની ખૂબ ખૂબ શુભેચ્છાઓ. પ્રકાશના આ દિવ્ય તહેવાર પર, હું દરેકને સ્વસ્થ, સુખી અને ભાગ્યશાળી જીવનની શુભેચ્છા પાઠવું છું. માતા લક્ષ્મી અને ભગવાન શ્રી ગણેશના આશીર્વાદથી દરેક વ્યક્તિ આશીર્વાદ મેળવે.
આ પવિત્ર ક્ષણ 500 વર્ષ પછી આવી છે
આ પહેલા વડાપ્રધાન નરેન્દ્ર મોદીએ બુધવારે કહ્યું હતું કે અયોધ્યામાં ભવ્ય મંદિરમાં રામ લલ્લા સ્થાપિત થયા બાદ આ પહેલી દિવાળી છે અને રામભક્તોના 500 વર્ષના અસંખ્ય બલિદાન અને તપસ્યા બાદ આ શુભ મુહૂર્ત આવ્યું છે. અલૌકિક અયોધ્યા ! મર્યાદા પુરુષોત્તમ ભગવાન શ્રી રામ તેમના ભવ્ય મંદિરમાં સ્થાપિત થયા પછી આ પ્રથમ દિવાળી છે. અયોધ્યામાં શ્રી રામલલ્લાના મંદિરનું આ અનોખું રૂપ દરેકને અભિભૂત કરી નાખશે.
500 વર્ષ પછી રામભક્તોના અસંખ્ય બલિદાન અને તપસ્યા બાદ આ પવિત્ર ક્ષણ આવી છે. આપણે સૌ ભાગ્યશાળી છીએ કે આપણે સૌ આ ઐતિહાસિક પ્રસંગના સાક્ષી બન્યા છીએ. મને વિશ્વાસ છે કે ભગવાન શ્રી રામનું જીવન અને આદર્શો દેશવાસીઓ માટે તેમના વિકસિત ભારતના સંકલ્પને પ્રાપ્ત કરવા માટે પ્રેરણારૂપ બની રહેશે. શ્રી રામ જન્મભૂમિ તીર્થ ક્ષેત્રે તેમની પોસ્ટમાં લાઇટથી ઝગમગતા મંદિરની તસવીરો શેર કરી છે.
અદ્ભભૂત, અનુપમ અને અકલ્પનીય! પ્રકાશના ભવ્ય ઉત્સવ માટે અયોધ્યાના લોકોને ખૂબ ખૂબ અભિનંદન ! લાખો દીવાઓથી પ્રકાશિત રામલલ્લાના પવિત્ર જન્મસ્થળ પર રોશનીનો આ ઉત્સવ તમને ભાવુક કરી દેશે. અયોધ્યા ધામમાંથી નીકળતો પ્રકાશનો આ કિરણ સમગ્ર દેશમાં મારા પરિવારના સભ્યોમાં નવો ઉત્સાહ અને નવી ઉર્જા ભરી દેશે. ભગવાન શ્રી રામ તમામ દેશવાસીઓને સુખ, સમૃદ્ધિ અને સફળ જીવન આપે.
જાન્યુઆરીમાં અયોધ્યામાં બનેલા ભવ્ય રામ મંદિરમાં રામલલલાના અભિષેક સમારોહનું આયોજન કરવામાં આવ્યું હતું. લાખો લોકોએ તેમના ઘરો અને આસપાસના મંદિરોમાં ટેલિવિઝન પર અભિષેક સમારોહ જોયો અને આ ઐતિહાસિક ક્ષણનો આનંદ માણ્યો હતો.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++