બેઇજિંગ: ચીનના રાજ્ય મીડિયાએ અહેવાલ આપ્યો છે કે હુનાન પ્રાંતના લિયુયાંગ શહેરમાં ફટાકડા બનાવતી એક ફેક્ટરીમાં વિસ્ફોટ થયો છે. આ અકસ્માતમાં 21 લોકોનાં મોત થયા છે, જ્યારે 61 અન્ય ઘાયલ થયાના અહેવાલ છે. હાલમાં ઘટના સ્થળે રાહત અને બચાવ કામગીરી ચાલી રહી છે. ઘટના સ્થળે 500 બચાવ કાર્યકરો હાજર છે. વિસ્ફોટના કારણની તપાસ કરવામાં આવી રહી છે.
ફટાકડાની ફેક્ટરીમાં આગ લાગી
ગુઆન્ડુ ટાઉનશીપમાં ફટાકડાની ફેક્ટરી, લિયુયાંગ હુઆશેંગ ફાયરવર્ક્સ મેન્યુફેક્ચરિંગ એન્ડ ડિસ્પ્લે કંપનીમાં સોમવારે સાંજે લગભગ 5 વાગ્યે વિસ્ફોટ થયો હતો. વિસ્ફોટ પછી તાત્કાલિક કટોકટી અને અગ્નિશામક ટીમો ઘટના સ્થળે પહોંચી ગયા હતા. બચાવ અને રાહત કામગીરી ચાલુ છે. 21 લોકોના મોત થયા છે અને 61 અન્ય લોકોને હોસ્પિટલમાં દાખલ કરવામાં આવ્યા છે. ઘાયલોને હાલમાં સારવાર આપવામાં આવી રહી છે.
રાહત અને બચાવ કામગીરી ચાલી રહી છે
ઘટના સ્થળે આશરે 500 બચાવ કાર્યકરો તૈનાત કરવામાં આવ્યાં છે. અધિકારીઓએ જોખમી વિસ્તારોમાં રહેતા લોકોને બહાર કાઢ્યાં છે. અધિકારીઓ વિસ્ફોટના કારણની તપાસ કરી રહ્યાં છે.
કામગીરીમાં રોબોટ્સ તૈનાત
બચાવ કામગીરી દરમિયાન વધુ અકસ્માત અટકાવવા માટે બચાવકર્તાઓએ કામે લાગી ગયા છે. બચાવ કામગીરીમાં મદદ કરવા માટે તેમણે ત્રણ રોબોટ્સ પણ તૈનાત કર્યા છે.
21 people were killed and 61 others injured in an explosion at a fireworks plant in central China. The explosion occurred at around 4:40 p.m. Monday at the plant in Liuyang, a county-level city under Changsha, capital city of Hunan Province. pic.twitter.com/jkzLnezSQ2
— China Xinhua News (@XHNews) May 5, 2026
