શ્રીનગરઃ જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે. પ્રથમ તબક્કાની ચૂંટણી માટે મતદાન શરૂ થઈ ગયું છે. આજે 24 બેઠકો પર મતદાન થશે. મતદાનની શરૂઆત સાથે જ વડાપ્રધાન નરેન્દ્ર મોદીએ જનતાને અપીલ કરી છે. જમ્મુ અને કાશ્મીર વિધાનસભાની ચૂંટણીનો પ્રથમ તબક્કો શરૂ થતાં જ તેમને સોશિયલ મીડિયા પરથી ખાસ અપીલ કરી હતી. હું તમને વિનંતી કરું છું કે આજે જ્યાં મતદાન થઈ રહ્યું છે તે તમામ મતવિસ્તારોમાં મોટી સંખ્યામાં મતદાન કરો અને લોકશાહીના તહેવારને મજબૂત કરો. હું ખાસ કરીને યુવા અને પ્રથમ વખતના મતદારોને તેમના મતાધિકારનો ઉપયોગ કરવાની અપીલ કરું છું.
As the first phase of the Jammu and Kashmir Assembly elections begins, I urge all those in constituencies going to the polls today to vote in large numbers and strengthen the festival of democracy. I particularly call upon young and first-time voters to exercise their franchise.
— Narendra Modi (@narendramodi) September 18, 2024
219 ઉમેદવારોનું ભાવિ દાવ પર
ભાજપ, પીડીપી, નેશનલ કોન્ફરન્સ અને કોંગ્રેસ ઉપરાંત નાની પાર્ટીઓએ પણ જમ્મુ-કાશ્મીરમાં પોતાના ઉમેદવારો ઉભા રાખ્યા છે. પ્રથમ તબક્કામાં 219 ઉમેદવારો પોતાનું નસીબ અજમાવી રહ્યાં છે. સૌથી વધુ ઉમેદવારો પુલવામા જિલ્લાની પમ્પોર સીટ પર છે, જ્યાં ઉમેદવારોની સંખ્યા 14 છે. પ્રથમ તબક્કા માટે કુલ 279 ઉમેદવારોએ ઉમેદવારી નોંધાવી હતી. બાદમાં 60 લોકોએ તેમના નામ પાછા ખેંચી લીધા હતા અને હવે 219 ઉમેદવારો ચૂંટણી મેદાનમાં છે.
આ બેઠકો પર મતદાન થઈ રહ્યું છે
પ્રથમ તબક્કામાં જે બેઠકો પર મતદાન થવાનું છે. તેમાં પમ્પોર, ત્રાલ, પુલવામા, રાજપોરા, જૈનપોરા, શોપિયાં, ડીએચ પોરા, કુલગામ, દેવસર, ડોરુ, કોકરનાગ (ST), અનંતનાગ પશ્ચિમ, અનંતનાગ, શ્રીગુફવારા-બિજબેહરા, શાંગસ- અનંતનાગ પૂર્વ, પહેલગામ, ઈન્દરવાલ, કિશ્તવાડ, પેડર-નાગસેની, ભદરવાહ, ડોડા, ડોડા પશ્ચિમ, રામબન અને બનિહાલનો સમાવેશ થાય છે.
આ તબક્કામાં બિજબેહરા સીટ પર પણ ચૂંટણી છે
પ્રથમ તબક્કાના 219 ઉમેદવારોમાં 9 મહિલા અને 92 અપક્ષ ઉમેદવારો છે. બિજબેહરા સીટ, જે મુફ્તી પરિવારનો ગઢ હતો, તે પણ આ તબક્કામાં છે. પીડીપી ચીફ મહેબૂબા મુફ્તીની પુત્રી ઇલ્તિજા પહેલીવાર અહીંથી ચૂંટણી લડી રહી છે. મહેબૂબા અને તેમના પિતા મુફ્તી મોહમ્મદ સઈદ મુખ્યમંત્રી રહી ચૂક્યા છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
