ઇઝરાયલનો તેહરાન પર ભીષણ હુમલો, ઈરાનમાં અત્યાર સુધીમાં 639 લોકોના મોત

Iran-Israel War: મધ્ય પૂર્વ ધીમે ધીમે એક મોટા યુદ્ધ તરફ આગળ વધી રહ્યું છે. ઇઝરાયલ અને ઈરાન વચ્ચે યુદ્ધ સાતમા દિવસે પણ ચાલુ છે. ઇઝરાયલી હવાઈ સંરક્ષણ પ્રણાલી દ્વારા ઈરાન દ્વારા છોડવામાં આવેલી મિસાઇલોને નિષ્ફળ બનાવવામાં આવી છે. ઇઝરાયલે ઇરાનમાં યુરેનિયમ સેન્ટ્રીફ્યુજ અને મિસાઇલ ઉત્પાદન એકમો પર પણ હુમલો કર્યો હતો. ઇઝરાયલી હુમલાઓને કારણે ઇરાનમાં અત્યાર સુધીમાં 639 લોકોનાં મોત થયા છે. અમેરિકા પણ આ યુદ્ધમાં કૂદી શકે છે. રાષ્ટ્રપતિ ડોનાલ્ડ ટ્રમ્પના અંતિમ આદેશની રાહ જોવાઈ રહી છે.

અમેરિકા ઇઝરાયલી દૂતાવાસમાંથી તેમના કર્મચારીઓને દૂર કરી રહ્યું છે - સૂત્રો

સમાચાર એજન્સી એપીએ સૂત્રોને ટાંકીને અહેવાલ આપ્યો છે કે અમેરિકાએ ઇઝરાયલના દૂતાવાસમાંથી તેના કેટલાક રાજદ્વારી કર્મચારીઓને દૂર કરવાનું શરૂ કરી દીધું છે. સરકારી વિમાન દ્વારા ઘણા રાજદ્વારીઓ અને તેમના પરિવારના સભ્યોને બહાર કાઢવામાં આવ્યા છે. જોકે, કેટલા લોકોને બહાર કાઢવામાં આવ્યા તેની ચોક્કસ સંખ્યા હજુ સ્પષ્ટ નથી.

ઇઝરાયલ અને ઈરાને વાતચીત દ્વારા ઉકેલ શોધવો જોઈએ: પુતિન

રશિયાના રાષ્ટ્રપતિ વ્લાદિમીર પુતિને ઈરાન અને ઇઝરાયલ વચ્ચે વધતા યુદ્ધ અંગે ચિંતા વ્યક્ત કરી છે અને કહ્યું છે કે તેઓ ઇઝરાયલ અને યુએસ રાષ્ટ્રપતિ ડોનાલ્ડ ટ્રમ્પ સાથે સતત સંપર્કમાં છે. તેમણે ભાર મૂક્યો કે આ યુદ્ધને રોકવાના રસ્તા શોધવા જોઈએ. એવો ઉકેલ શોધવો જોઈએ જે ઈરાન અને ઇઝરાયલ બંનેના હિતમાં હોય.

ઈરાન પરના હુમલામાં 639 લોકો માર્યા ગયા

ઈઝરાયલી દ્વારા ઈરાન પર કરવામાં આવેલા હુમલામાં 639 લોકો માર્યા ગયા છે અને 1,329 લોકો ઘાયલ થયા છે. આ આંકડા વોશિંગ્ટન સ્થિત માનવાધિકાર કાર્યકરો દ્વારા જાહેર કરવામાં આવ્યા છે. માર્યા ગયેલા લોકોમાં 263 નાગરિકો અને 154 સુરક્ષા દળના કર્મચારીઓનો સમાવેશ થાય છે. ઈરાને હજુ સુધી આ મૃત્યુઆંકની પુષ્ટિ કરી નથી. સોમવારે જાહેર કરાયેલા છેલ્લા અપડેટમાં, મૃત્યુઆંક 224 અને 1,277 અન્ય ઘાયલ થયા હોવાનું જણાવાયું હતું.

ધ ઇઝરાયલ ટાઇમ્સના એક અહેવાલ મુજબ, ઇઝરાયલી સંરક્ષણ દળે ઇરાની શહેરો અરક અને ખોંડુબના લોકોને શહેરો ખાલી કરીને સુરક્ષિત સ્થળોએ જવાની ચેતવણી જારી કરી છે. IDF એ ફારસી ભાષામાં એક નિવેદનમાં કહ્યું છે કે IDF આ વિસ્તારમાં ઈરાની લશ્કરી માળખા વિરુદ્ધ કામ કરી રહ્યું છે. આ શહેર મધ્ય ઈરાનમાં છે. ખોંદાબની બહાર એક પરમાણુ રિએક્ટર છે. ઇઝરાયલ તેને નિશાન બનાવી શકે છે.

⭕️ 60 IAF Jets Strike 20+ Military Targets in Tehran

The IDF struck key nuclear and missile sites across Tehran, including:
- Uranium enrichment & centrifuge sites
- Missile & air defense production facilities
- Nuclear weapons R&D centers

These sites fuel Iran’s weapons… pic.twitter.com/9p8EJ4CJkG

— Israel Defense Forces (@IDF) June 18, 2025

 

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++