તહેરાનઃ ઈરાને એક મહત્વપૂર્ણ દાવો કર્યો છે. ઈરાને કહ્યું છે કે રવિવારે અમેરિકા અને ઈઝરાયેલ તેના પરમાણું સ્થળ પર હુમલો કરાયો છે. IAEAમાં ઈરાનના રાજદૂતે જણાવ્યું કે રવિવારે અમેરિકા અને ઈઝરાયેલે ઈરાની પરમાણું સુવિધા પર હુમલો કર્યો હતો. જ્યારે ઈરાની રાજદૂતને પૂછવામાં આવ્યું કે ઈરાનમાં કયા પરમાણુ સુવિધા પર હુમલો થયો છે, ઇઝરાયેલ અને અમેરિકાએ નતાન્ઝ પરમાણું સુવિધા પર હુમલો કર્યો હતો.
દરમિયાન, ઈરાન સામે ચાલી રહેલા યુએસ અને ઇઝરાયેલી લશ્કરી હુમલાઓ વચ્ચે, વિયેનામાં આંતરરાષ્ટ્રીય પરમાણુ ઊર્જા એજન્સીના બોર્ડ ઓફ ગવર્નર્સની એક કટોકટી બેઠક શરૂ થઈ છે. IAEA એ હુમલાથી થતા રેડિયેશનની ચેતવણી આપી છે અને ઘણા મોટા શહેરોને ખાલી કરાવવા પડી શકે છે.
IAEAમાં ઈરાનના રાજદૂત રેઝા નજાફીએ જણાવ્યું કે અમેરિકા અને ઇઝરાયેલી સરકારો દ્વારા 9 મહિનાથી ઓછા સમયમાં બીજો સંયુક્ત હુમલો હતો. આ બધા હુમલા ગેરકાયદેસર, ગુનાહિત અને નિર્દયી હતા. તેઓએ એક પ્રાથમિક શાળાનો સંપૂર્ણ નાશ કર્યો, જેમાં અનેક છોકરીઓનાં મોત થયા છે. આ એ જ કહેવાતી સહાય અને સ્વતંત્રતા છે જેનું વચન યુ.એસ.રાષ્ટ્રપતિએ ઈરાનીઓને આપ્યું હતું.
અમેરિકા-ઇઝરાયેલના ગુનાહિત, ગેરકાયદેસર અને નિર્દય હુમલાઓ: ઈરાન
તેઓએ ફરીથી ઈરાનના શાંતિપૂર્ણ, સુરક્ષિત પરમાણુ સુવિધા પર હુમલો કર્યો છે. ઈરાન પરમાણુ શસ્ત્રો વિકસાવવા માંગે છે. આ તો ખાલી જુઠ્ઠાણું છે. તેમણે અમારા સર્વોચ્ચ નેતાને શહીદ કર્યા, જેમણે પરમાણુ શસ્ત્રો પર સંપૂર્ણ પ્રતિબંધ મૂકવાની હાકલ કરી હતી. જૂઠાણું, છેતરપિંડી અને ખોટી માહિતી હંમેશા યુ.એસ વિદેશ નીતિનું મૂળભૂત સાધન રહ્યું છે. આને જ યુ.એસ. દ્વારા સામૂહિક છેતરપિંડીનું શસ્ત્ર કહેવામાં આવે છે.
તેઓએ ભૂતકાળમાં અન્ય દેશો પર હુમલો કરવા માટે છેતરપિંડી અને ખોટી માહિતીનો ઉપયોગ કર્યો છે. આ યુદ્ધ યુએસ રાષ્ટ્રપતિ દ્વારા શરૂ કરવામાં આવ્યું હતું જે પોતાને શાંતિના માણસ તરીકે દર્શાવવાનો પ્રયાસ કરે છે અને નોબેલ શાંતિ પુરસ્કાર માંગે છે. જ્યારે તેઓ શાંતિ વિશે વાત કરે છે, ત્યારે પણ તે જૂઠાણું છે. અને જો તેઓ રાજદ્વારી વિશે વાત કરે છે, તો તે ફક્ત એક બનાવટી છે.
ઈરાન સામે ચાલી રહેલા યુએસ અને ઇઝરાયલી લશ્કરી હુમલાઓ વચ્ચે, વિયેનામમાં આંતરરાષ્ટ્રીય પરમાણુ ઊર્જા એજન્સીના બોર્ડ ઓફ ગવર્નર્સની એક કટોકટી બેઠક શરૂ થઈ છે. યુએન ન્યુક્લિયર વોચડોગ, ઇન્ટરનેશનલ એટોમિક એનર્જી એજન્સીના બોર્ડ ઓફ ગવર્નર્સે સોમવારે યુએસ અને ઇઝરાયલી હુમલાઓની ચર્ચા કરવા માટે એક કટોકટી બેઠક શરૂ કરી છે. રશિયા દ્વારા વિનંતી કરાતા આ બેઠક યોજાઈ હતી.
પરમાણુ પ્લાન્ટ પર હુમલાના કોઈ સંકેત નથી
તેમણે કહ્યું કે બોર્ડનો કોઈ પણ સભ્ય બેઠક બોલાવી શકે છે. સોમવારની કટોકટીની બેઠક બોર્ડની લાંબા સમયથી નિર્ધારિત ત્રિમાસિક બેઠકના એક કલાક પહેલા શરૂ થઈ હતી, જ્યાં ઈરાનનો પરમાણુ કાર્યક્રમ પહેલાથી જ એજન્ડામાં હતો. શનિવારના હુમલામાં ઈરાની પરમાણુ સુવિધાઓને નુકસાન થયું હોવાના કોઈ સંકેત નથી. આંતરરાષ્ટ્રીય પરમાણુ ઉર્જા આયોગના વડા રાફેલ મારિયાનો ગ્રોસીએ ચેતવણી આપી છે કે અત્યાર સુધી, ઈરાનની સરહદે આવેલા દેશોમાં રેડિયેશનનું સ્તર સામાન્ય છે.
આજની પરિસ્થિતિ ખૂબ જ ચિંતાજનક છે, આપણે ગંભીર પરિણામોને નકારી શકતા નથી, જેમાં મુખ્ય શહેરો જેટલા મોટા અથવા તેનાથી પણ મોટા વિસ્તારોને ખાલી કરવા પડી શકે છે. ઈરાની પરમાણુ નિયમનકારી અધિકારીઓનો સંપર્ક કરવાના પ્રયાસો ચાલી રહ્યાં છે, પરંતુ હજુ સુધી કોઈ જવાબ મળ્યો નથી.