તેહરાનઃ ઈરાનના રાષ્ટ્રપતિ ઈબ્રાહિમ રાયસીનું હેલિકોપ્ટર દુર્ઘટનામાં મોત થઇ ગયું છે.ઈરાનના અધિકારીઓએ આ અહેવાલની પુષ્ટી કરી છે. સેનાને ક્રેશ થયેલા હેલિકોપ્ટરનો કાટમાળ મળ્યો છે. રવિવારે ઇબ્રાહિમ રાયસી અને ઈરાની અધિકારીઓને લઈ જતું હેલિકોપ્ટર ગ્રામીણ વિસ્તારમાં ક્રેશ થયું હતું.
રાષ્ટ્રપતિ વિદેશ મંત્રી સાથે જઈ રહ્યાં હતા
રવિવારે ઈરાનના રાષ્ટ્રપતિ ઈબ્રાહિમ રાયસી અને વિદેશ મંત્રી પર્વતીય વિસ્તારોમાં અને બર્ફીલા હવામાનમાં હેલિકોપ્ટર દુર્ઘટનાનો શિકાર બન્યાં હતા. સર્ચ ટીમોએ કાટમાળ શોધી કાઢ્યાં બાદ ઈરાનના એક અધિકારીએ આશંકા વ્યક્ત કરી હતી કે તેમનું મોત થયું છે.
અધિકારીએ સમાચાર એજન્સી રોઇટર્સને જણાવ્યું કે, દુર્ઘટનામાં રાષ્ટ્રપતિ રાયસીનું હેલિકોપ્ટર સંપૂર્ણપણે બળી ગયું હતું. તમામ મુસાફરોના મોત થયા છે. બચાવકર્તા ટીમ સોમવારે વહેલી સવારે પૂર્વ અઝરબૈજાન પ્રાંતમાં બરફના તોફાનમાં કાટમાળ સુધી પહોંચી હતી.
ક્રેશ થયેલા હેલિકોપ્ટરનો વીડિયો સામે આવ્યો છે
ઈરાની મીડિયા દ્વારા ક્રેશ થયેલા હેલિકોપ્ટરનો વીડિયો જાહેર કરવામાં આવ્યો છે. વીડિયોમાં હેલિકોપ્ટરના ટુકડા થઈ ગયેલા જોવા મળે છે અને ચારેબાજુ કાટમાળ પડ્યો છે.
पहाड़ी इलाके में घने कोहरे के कारण हुए हेलीकॉप्टर दुर्घटना में ईरान के राष्ट्रपति इब्राहिम रायसी, विदेश मंत्री की मौत हो गई। मृतकों के शव निकाले जा रहे हैं।
— ANI_HindiNews (@AHindinews) May 20, 2024
(सोर्स: ईरान के प्रेस टीवी द्वारा साझा किए गए वीडियो का स्क्रीनशॉट) pic.twitter.com/0euYWwABj6
રાયસી 2021માં રાષ્ટ્રપતિ તરીકે ચૂંટાયા હતા
63 વર્ષીય રાયસી 2021માં રાષ્ટ્રપતિ તરીકે ચૂંટાયા હતા, તેમને હાલમાં જ અમેરિકા અને ઇઝરાયેલને ધમકી આપી હતી અનેે ઇઝરાયેલ પર હુમલો પણ કર્યો હતો.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
