Gujarat Post Fact Check: સોશિયલ મીડિયા પર દરરોજ અસંખ્ય ફેક ન્યૂઝ વાયરલ થઇ રહ્યાં છે, આ ફેક ન્યૂઝને મોટાભાગે કોઈ મોટી ઘટના કે વ્યક્તિ સાથે જોડીને વાયરલ કરવામાં આવે છે. જેથી લોકો તેને સરળતાથી સાચું ગણીને સ્વીકારી લેતા હોય છે. ફેક ન્યૂઝનો લેટેસ્ટ મામલો સામે આવ્યો છે કે રિલાયન્સ ગ્રુપના ચેરમેન મુકેશ અંબાણીના પુત્ર અનંત અંબાણી અને Jio સાથે જોડાયેલો છે. સોશિયલ મીડિયા પર દાવો કરવામાં આવી રહ્યો છે કે અનંત અંબાણીના લગ્નને અવસર પર મુકેશ અંબાણી યુઝર્સને 799 રૂપિયાનું ફ્રી રિચાર્જ આપી રહ્યાં છે. જો કે અમારા ફેક્ટ ચેકમાં આ દાવો સંપૂર્ણપણે ખોટો સાબિત થયો છે.
Gujarat Post Fact Check: સોશિયલ મીડિયા પર આવી ઘણી પોસ્ટ વાઈરલ થઈ રહી છે જેમાં દાવો કરવામાં આવી રહ્યો છે કે મુકેશ અંબાણી 12 જુલાઈના રોજ અનંત અંબાણીના લગ્ન પ્રસંગે ફ્રી રિચાર્જ આપી રહ્યાં છે. ફેસબુક યુઝર મેહમૂદ ખાન રિકીએ એક પોસ્ટ શેર કરતા લખ્યું છે - "12મી જુલાઈના રોજ અનંત અંબાણીના લગ્નની ખુશીમાં, મુકેશ અંબાણી જી આખા ભારતને ₹749નું 3 મહિનાનું ફ્રી રિચાર્જ આપી રહ્યાં છે. નીચે આપેલી બ્લૂ કલરની લિંક પર ક્લિક કરીને તમારું રિચાર્જ કરો. ઉપરાંત રોહિતભાઈ ગલી ડિસાવર નામની પ્રોફાઇલ પરથી પણ આવી જ પોસ્ટ શેર કરવામાં આવી છે. આ સાથે એક લિંક પણ શેર કરવામાં આવી છે જેના પર તમને ક્લિક કરવાનું કહેવામાં આવી રહ્યું છે.
ફ્રી રિચાર્જ વિશેની આ પોસ્ટ સોશિયલ મીડિયા પર વાયરલ થઈ રહી હતી, તેથી અમે તેની તપાસ કરવાનું નક્કી કર્યું. અમે આ લિંક પર ક્લિક કર્યું, જે પોસ્ટ સાથે વાયરલ થઈ રહી હતી. જો કે, અમે આ લિંક પર ક્લિક કરતાની સાથે જ અમને આ સાઇટ પર પહોંચી શકાતા નથી એવો મેસેજ જોવા મળ્યો. તેનો સ્પષ્ટ અર્થ હતો કે આ લિંક સંપૂર્ણપણે નકલી હતી.
ગુજરાત પોસ્ટ દ્વારા કરવામાં આવેલા ફેક્ટ ચેકમાં ખુલાસો થયો છે કે અનંત અંબાણીના લગ્ન પર ફ્રી રિચાર્જ અંગે સોશિયલ મીડિયા પર વાયરલ થયેલા સમાચાર સંપૂર્ણપણે ફેક છે. રિલાયન્સ કે જિયો દ્વારા આવી કોઈ જાહેરાત કરવામાં આવી નથી. લોકોને એવી કોઈ પણ પોસ્ટ અથવા ફેક લિંક્સથી દૂર રહેવાની સલાહ આપવામાં આવે છે.
સૌથી ઝડપી સમાચારો માટે આ લિંક પર ક્લિક કરો
Gujarat Post News | Gujaratpost | Gujaratpostnews | Gujarati news webportel| Gujarati news website
પોપ્યુલર સ્ટોરી માટે આ લિંક પર ક્લિક કરો
Popular stories | Gujarat Post
ગુજરાતના લેટેસ્ટ સમાચારો માટે આ લિંક પર ક્લિક કરો
રાજનીતિના સમાચારો માટે આ લિંક પર ક્લિક કરો
