નવી દિલ્હીઃ એન્ફોર્સમેન્ટ ડિરેક્ટોરેટ (ED) એ મની લોન્ડરિંગ કેસમાં ઓનલાઈન રિયલ મની ગેમિંગ એપ WinZO ના પ્રમોટરોની ધરપકડ કરી છે. એન્ટી મની લોન્ડરિંગ તપાસ એજન્સીએ પવન સિંહ નંદા અને સૌમ્યા રાઠોડની પૂછપરછ કર્યા પછી તેમની ધરપકડ કરી હતી.
WinZO Games Pvt. Ltd. પર અનેક નિયમોનું ઉલ્લંઘન કરવાનો આરોપ છે. EDના બેંગલુરુ ઝોનલ ઓફિસે આ કેસમાં 18.11.2025 થી 22.11.2025 સુધી દિલ્હી અને ગુરુગ્રામમાં ચાર સ્થળોએ દરોડા પાડ્યાં હતા.
દરોડા દરમિયાન PMLA હેઠળ WinZO Games Pvt. Ltdના આશરે 505 કરોડ રૂપિયાના ગુનામાંથી મળેલા પૈસા (POC) જપ્ત કરાયા છે. ઇડીએ છેતરપિંડી, ખાતા બ્લોક કરવા, ઓળખ ચોરી અને PAN ના દુરુપયોગના આરોપો પરની ફરિયાદોને આધારે તપાસ શરૂ કરી હતી.
તપાસમાં જાણવા મળ્યું કે WinZO કંપની બ્રાઝિલ, યુએસએ અને જર્મની જેવા દેશોમાં ભારતમાંથી રિયલ મની ગેમ્સ (RMGs) ચલાવી રહી હતી. સર્ચ ઓપરેશન દરમિયાન, ED એ PMLA, 2002 ની કલમ 17(1A) હેઠળ WinZO Games Pvt. Ltd દ્વારા રાખવામાં આવેલી લગભગ 505 કરોડ રૂપિયાની ગુના જપ્ત કરી છે.
આ રકમમાં બેંક બેલેન્સ, બોન્ડ, FDR અને મ્યુચ્યુઅલ ફંડનો સમાવેશ થાય છે. ED એ WinZO ગેમ્સ પ્રાઇવેટ લિમિટેડ અને અન્ય લોકો સામે દાખલ કરાયેલી FIRના આધારે તપાસ શરૂ કરી છે.
છેતરપિંડી અને KYC ના દુરુપયોગના આરોપો
FIR માં આરોપ મૂકવામાં આવ્યો છે કે WinZO અને અન્ય લોકોએ ફરિયાદીઓના KYC નો દુરુપયોગ કર્યો હતો. વિન્ઝો અને અન્યોની છેતરપિંડીની પ્રવૃત્તિઓને કારણે ફરિયાદીઓને નોંધપાત્ર નુકસાન થયું છે. ED ની તપાસમાં જાણવા મળ્યું છે કે કંપની ગ્રાહકોને એ જાણ કર્યા વિના કે તેઓ માણસોને બદલે સોફ્ટવેર સાથે રમી રહ્યા છે, તેમને અલ્ગોરિધમ- સોફ્ટવેર સાથે રમવા માટે દબાણ કરી રહી હતી.
ગેરકાયદેસર પ્રવૃત્તિઓ અને ભંડોળનું ડાયવર્ઝન
ED તપાસમાં એ પણ બહાર આવ્યું છે કે કંપની અનૈતિક પ્રવૃત્તિઓમાં સામેલ હતી. WinZO એ ગ્રાહકો દ્વારા વોલેટમાં જમા કરાયેલા નાણાંની ઉપાડ કરી હતી. કંપનીએ ગ્રાહકો દ્વારા લગાવવામાં આવેલા અને હારી ગયેલા દાવના રૂપમાં POC (Proceeds of Crime -POC) મેળવ્યું જે તે અલ્ગોરિધમ્સ- સોફ્ટવેરના ઉપયોગ દ્વારા મેળવવામાં આવ્યું હતું.
વિદેશી કામગીરી અને શેલ કંપનીઓ
WinZO ની બધી વૈશ્વિક પ્રવૃત્તિઓ (RMG સહિત) એક જ એપ્લિકેશન અને એક જ પ્લેટફોર્મ હેઠળ ભારતમાંથી ચલાવવામાં આવતી હતી. ભારતીય એકમ દ્વારા વિદેશી રોકાણના બહાને યુએસએ અને સિંગાપોરમાં 55 મિલિયન ડોલર (રૂ. 489.90 કરોડ) ની રકમ મોકલવામાં આવી હતી. આ રકમ WINZO US Inc. ના નામે યુએસએમાં બેંક ખાતાઓમાં રાખવામાં આવી હતી, જેને ED એ શેલ કંપની તરીકે વર્ણવી છે કારણ કે તેની બધી કામગીરી ભારતમાંથી થતી હતી.
22/08/2025 થી કેન્દ્ર સરકાર દ્વારા RMG પર પ્રતિબંધ હોવા છતાં કંપની દ્વારા ગેમર્સ- ગ્રાહકોને 43 કરોડ રૂપિયાની રકમ હજુ સુધી પરત કરવામાં આવી નથી. આ રકમ હજુ પણ કંપનીમાં જમા છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
