ગાંધીનગરઃ સ્પેશિયલ ઓપરેશન ગ્રુપ (SOG)માં ફરજ બજાવતા પોલીસ કોન્સ્ટેબલે માણસા તાલુકાના હરણા હોડા ગામમાં આવેલા પોતાના નિવાસસ્થાને ગળાફાંસો ખાઈને આપઘાત કરી લેતા પરિવારમાં માતમ છવાઇ ગયો છે. સવારના પિતા રૂમમાં જતાં અહીં દ્રશ્યો જોઈને ચોંકી ગયા હતા. હાલમાં કોન્સ્ટેબલના આપઘાત પાછળનું કારણ અકબંધ છે. પોલીસ આ ઘટનાના વધુ તપાસ હાથધરી છે.
ગાંધીનગરમાં SOGમાં ફરજ બજાવતા પોલીસ કોન્સ્ટેબલ નરેન્દ્ર સિંહ ઇશ્વરસિંહ ચાવડા (ઉ.વ-39) માણસા તાલુકાના હરણા હોડા ગામમાં આવેલા પોતાના ઘરે જ ગળાખાંસો ખાઇને આપઘાત કરી લીધો છે. કોન્સ્ટેબલના પરિવારમાં તેમના પત્ની, બે દીકરીઓ અને દોઢ વર્ષનો દીકરો છે.
9 નવેમ્બરને રવિવારે પત્ની અને બાળકોને તેમની સાસરી કોલવડા મૂકીને ગાંધીનગર ફરજ પર ગયા હતા. ફરજ પરથી પરત ફરીને રાત્રે ભોજન કર્યા બાદ રૂમમાં ચાલી ગયા હતા. આજે સવારે પાણી આવ્યું હોવાથી નરેન્દ્ર સિંહના પિતા ઇશ્વરસિંહ ઉઠાડવા માટે રૂમમાં ગયા હતા અને રૂમનું દ્રશ્ય જોઇને ફસડાઇ પડ્યા હતા.
પંખે લટકતા દીકરાને જોઇને બૂમાબૂમ કરી હતી. આ બનાવના પગલે આસપાસના લોકો એકઠા થઇ ગયા હતા. પોલીસને જાણ થતા ઘટનાસ્થળ પર પહોંચીને મૃતદેહને પોસ્ટમોર્ટમ અર્થે મોકલીને તપાસ હાથ ધરી છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
