છત્તીસગઢમાં ટ્રેલર- ટ્રકની ભયંકર ટક્કર, લગ્નમાં હાજરી આપીને પરત ફરતાં 13 લોકોનાં મોત - Gujarat Post

• મૃતકોમાં તમામ મહિલાઓ અને બાળકો
• દુર્ઘટનામાં 11 લોકો ઘાયલ થયા

રાયપુરઃ છત્તીસગઢની રાજધાની રાયપુરમાં ટ્રેલર ટ્રક અને ટ્રક વચ્ચે થયેલા માર્ગ અકસ્માતમાં 13 લોકોનાં મોત થયા હતા. મૃતકોમાં મહિલાઓ અને બાળકો છે. ઉપરાંત, 11 લોકો ઘાયલ થયા હતા. રાયપુર જિલ્લાના રાયપુર-બલોદા બજાર રોડ પર સારાગાંવ નજીક રવિવારે મોડી રાત્રે થયેલા માર્ગ અકસ્માતમાં ચાર બાળકો અને નવ મહિલાઓના મોત થયા હતા.

પોલીસ અધિકારીઓએ જણાવ્યું કે ચતૌડ ગામનો એક પરિવાર બંસરી ગામમાં એક પારિવારિક કાર્યક્રમમાં હાજરી આપવા ગયો હતો. પરત ફરતી વખતે, ખારોરા પોલીસ સ્ટેશન વિસ્તાર હેઠળના સારાગાંવ નજીક તેઓ જે ટ્રકમાં મુસાફરી કરી રહ્યા હતા તે એક ટ્રેલર સાથે અથડાયો હતો. અકસ્માતની માહિતી મળ્યા બાદ, પોલીસ ટીમને ઘટનાસ્થળે મોકલવામાં આવી હતી અને ઘાયલોને રાયપુરની ડૉ. ભીમરાવ આંબેડકર હોસ્પિટલમાં લઈ જવામાં આવ્યા હતા.

રાયપુરના એસપી લાલ ઉમ્મેદ સિંહે જણાવ્યું હતું કે આ લોકો લગ્ન પછીના કાર્યક્રમમાં હાજરી આપીને પરત ફરી રહ્યા હતા. અન્ય ઘણા લોકો ઘાયલ થયા હતા અને તેમને સારવાર માટે હોસ્પિટલમાં લઈ જવામાં આવ્યા હતા. ટ્રક ચૌથિયા છટ્ટીથી એક કાર્યક્રમમાં હાજરી આપીને પરત ફરી રહ્યો હતો ત્યારે અકસ્માત થયો હતો. ઘટનામાં ઘાયલ થયેલા લોકોને તાત્કાલિક આંબેડકર મેમોરિયલ હોસ્પિટલમાં લઈ જવામાં આવ્યા હતા.

રાયપુર જિલ્લા કલેક્ટર ગૌરવ સિંહે જણાવ્યું હતું કે જિલ્લા વહીવટીતંત્રના અધિકારીઓ પણ ઘટનાસ્થળે પહોંચી ગયા હતા. તેમણે કહ્યું કે આ અકસ્માતમાં 13 લોકોના મોત થયા છે અને 11 લોકો ઘાયલ થયા છે. કલેક્ટરે કહ્યું કે પોલીસે કેસ નોંધ્યો છે અને આ મામલાની તપાસ કરવામાં આવી રહી છે.

#WATCH | Raipur, Chhattisgarh: Raipur SP Lal Ummed Singh said, "... Some people from village Chataud had gone to Bana Banarasi to participate in the Chatthi program. They were returning after the program was over... During this, an accident happened near Raipur-Balodabazar… https://t.co/F7IzlhKam3 pic.twitter.com/Bkj7Q3uuVy

— ANI (@ANI) May 12, 2025

 

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++