ન્યુયોર્કઃ અમેરિકાના પેન્સિલવેનિયામાં એક માર્ગ અકસ્માતમાં બે ભારતીય વિદ્યાર્થીઓના મોત થયા છે. સ્થાનિક અધિકારીઓએ જણાવ્યું હતું કે, બે ભારતીય વિદ્યાર્થીઓની કાર ઝાડ સાથે અથડાઈને પુલ પરથી નીચે ખાબકી જતાં કાર અકસ્માતમાં મોત થયા હતા. અકસ્માતમાં વાહનની આગળની સીટ પર બેઠેલા અન્ય એક મુસાફરને ઈજા થઈ હતી અને તેને સ્થાનિક હોસ્પિટલમાં લઈ જવામાં આવ્યો હતો. આ સમાચાર મળ્યા પછી ન્યૂયોર્કમાં ભારતીય કોન્સ્યુલેટ જનરલે આ ઘટના પર શોક વ્યક્ત કર્યો હતો.
એમ્બેસીએ પોસ્ટ કરીને દુઃખ વ્યક્ત કરતા જણાવ્યું કે ક્લેવલેન્ડ સ્ટેટ યુનિવર્સિટીના બે ભારતીય વિદ્યાર્થીઓ, માનવ પટેલ (ઉ.વ-20) અને સૌરવ પ્રભાકર (ઉ.વ-23) નું એક દુર્ભાગ્યપૂર્ણ માર્ગ અકસ્માતમાં મૃત્યુ થયું તે જાણીને દુઃખ થયું. આ મુશ્કેલ સમયમાં અમારી સંવેદના અને પ્રાર્થના તેમના પરિવારો સાથે છે. કોન્સ્યુલેટ પરિવારોના સંપર્કમાં છે અને તેમને શક્ય તમામ મદદની ખાતરી આપી છે. બ્રેકનોક ટાઉનશીપમાં પેન્સિલવેનિયા ટર્નપાઈક પર શનિવારે સવારે 7 વાગ્યે એક કાર અકસ્માતમાં યુવાન વિદ્યાર્થીઓના મોત થયા હતા.
Deeply saddened to learn about the unfortunate road accident in which two Indian students from Cleaveland State University, Manav Patel and Saurav Prabhakar lost their lives;
— India in New York (@IndiainNewYork) May 12, 2025
Our thoughts and prayers are with their families during this difficult time. The Consulate is in touch…
લેન્કેસ્ટર કાઉન્ટી કોરોનર ઓફિસ અને પેન્સિલવેનિયા સ્ટેટ પોલીસના જણાવ્યા અનુસાર, પટેલ અને પ્રભાકરનું મૃત્યુ ત્યારે થયું જ્યારે તેમની કાર એક ઝાડ સાથે અથડાઈ અને બાદમાં પુલ પરથી નીચે ખાબકી હતી. પ્રભાકર કાર ચલાવી રહ્યો હતો.પોલીસનું કહેવું છે કે બંને વિધાર્થીઓનું ઘટનાસ્થળે જ અનેક ગંભીર ઇજાઓથી મૃત્યુ થયું હતું.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
