લાંચિયા નાયબ મામલતદાર પર એસીબીનો સકંજો
10 હજાર રૂપિયાની લાંચની રકમ રિકવર કરવામાં આવી
મહેસાણાઃ ફરી એક વખત એસીબીએ સરકારી બાબુને લાંચ લેતા ઝડપી લીધા છે, કડીના નાયબ મામલતદાર વિપુલ પ્રજાપતિ અને પ્રિન્સ મનોજકુમાર ભાવસાર ઉ.વ.26, કોમ્પ્યુટર ઓપરેટર (આઉટસોર્સ) મામલતદાર કચેરી કડી, જી.મહેસાણા, 10 હજાર રૂપિયાની લાંચ લેતા એસીબીના હાથે ઝડપાઇ ગયા છે.
મહેસૂલી નાયબ મામલતદાર વિપુલ પ્રજાપતિએ પ્લોટ ફાળવવા રૂપિયા 10,000 ની લાંચ માંગી હતી. ફરિયાદી લાંચ આપવા માંગતા ન હોવાથી તેમને એસીબીનો સંપર્ક કર્યો હતો, જેને આધારે લાંચના છટકાનું આયોજન કરાયું હતુ, તેમાં આરોપીઓ 10 હજાર રૂપિયાની લાંચ લેતા ઝડપાઇ ગયા હતા.જો તમારી પાસે પણ કોઇ લાંચની માંગણી કરે છે તો તમે પણ તેની સામે એસીબીમાં ફરિયાદ આપી શકો છો.
ટ્રેપિંગ અધિકારી: એસ.ડી.ચાવડા,
પોલીસ ઇન્સ્પેકટર, મહેસાણા એ.સી.બી. પો.સ્ટેશન
સુપર વિઝન અધિકારીઃ એ.કે.પરમાર,
મદદનીશ નિયામક, ગાંધીનગર એ.સી.બી. એકમ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++