બ્રિટનમાં ઋષિ સુનકની હાર બાદ આ દાવો થઈ રહ્યો છે વાયરલ
Gujarat Post Fact Check News: સોશિયલ મીડિયા ફેસબુક અને ટ્વિટર પર વિકિલીક્સનો એક દાવો વાયરલ થઈ રહ્યો છે. વાયરલ પોસ્ટમાં દાવો કરવામાં આવ્યો છે કે બ્રિટનમાં ઋષિ સુનકની હાર બાદ ભારતની મોદી સરકાર અને તેમના મંત્રીઓના કાળા નાણાંનો પર્દાફાશ થયો છે. મોદીના મંત્રીઓની કાળી કમાણી 14 વર્ષમાં 100 ગણી વધી છે. વિકિલીક્સે બ્રિટનની ગુપ્ત બેંકોમાં કાળું નાણું ધરાવતા ભારતીયોની પ્રથમ યાદી જાહેર કરી છે, જેમાં વડાપ્રધાન નરેન્દ્ર મોદી, અમિત શાહ, રાજનાથ સિંહ, નિર્મલા સીતારમણ અને અનુરાગ ઠાકુર સહિત 24 લોકોનાં નામ હોવાનો દાવો છે.
આ યાદીમાં પીએમ મોદી અને કેબિનેટ મંત્રીઓના નામની આગળ અબજો રૂપિયાની રકમ પણ લખવામાં આવી છે, જે સ્ક્રીનશોટમાં જોઈ શકાય છે. વિકિલીક્સના ખુલાસાઓનો આ દાવો ફેસબુક પર વ્યાપકપણે શેર કરવામાં આવ્યો છે, આ દાવો ટ્વિટર પર પણ ખૂબ વાયરલ છે.
વાયરલ દાવાની તપાસ દરમિયાન વિકિલીક્સ દ્વારા પ્રકાશિત બ્રિટનની ગુપ્ત બેંકોમાં કાળું નાણું ધરાવતા ભારતીય મંત્રીઓની યાદી અંગે ભારત અને બ્રિટન સહિત વિશ્વના કોઈપણ મીડિયા સંસ્થા દ્વારા પ્રકાશિત કોઈ સમાચાર અમને મળ્યાં નથી. તમામ મીડિયા ગૃહોએ વિકિલીક્સના સ્થાપક જુલિયન અસાંજેની મુક્તિ અંગેના સમાચાર પ્રકાશિત કર્યાં છે. એટલે કે આ દાવો ખોટો છો અને એડિટ કરીને વાયરલ કરવામાં આવ્યો છે. ત્યારે તમે આવી કોઇ જ પોસ્ટ શેર કરતા નહીં
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
