મીઠો લીમડો વાળ માટે ફાયદાકારક છે. તે વાળ ખરતા અટકાવામાં, સફેદ વાળને રોકવામાં અને વાળના વિકાસને સુધારવામાં ખૂબ જ ફાયદાકારક છે. પરંતુ શું તમે જાણો છો કે મીઠો લીમડો માત્ર ત્વચા અને વાળ માટે જ ફાયદાકારક નથી. પરંતુ સ્વાસ્થ્ય સંબંધિત ઘણી સમસ્યાઓમાં પણ અસરકારક છે. તે માથાનો દુખાવો દૂર કરવામાં મદદ કરે છે, લોહીમાં શર્કરાના સ્તરને ઘટાડે છે અને હોર્મોન્સને સંતુલિત કરે છે.
ડાયાબિટીસઃ ડાયાબિટીસના દર્દીઓ માટે મીઠો લીમડો ખૂબ જ ફાયદાકારક છે. તેમાં કુદરતી રીતે ઇન્સ્યુલિન વધારવામાં મદદ કરે છે જે ખાંડને નિયંત્રિત કરી શકે છે. તેની ચટણી બનાવો, જેને ખાવાની સાથે રોટલીના રોલમાં અથવા કોઈપણ વસ્તુમાં ઉમેરીને ખાઈ શકાય છે.
મોઢાના ચાંદાઃ મોઢાના ચાંદાથી રાહત મેળવવા માટે એક ગ્લાસ પાણીમાં 10-12 મીઠા લીમડાને ઉકાળો. આ પાણીને ત્યાં સુધી ઉકાળો જ્યાં સુધી પાણી અડધુ ન થઈ જાય. હવે આ પાણી પી લો. તેના પાવડરને મધમાં ભેળવીને મોઢાના ચાંદા પર લગાવવામાં આવે છે.
માથાના દુખાવા માટેઃ મીઠા લીમડાની ઝીણી પેસ્ટ બનાવો અને તેમાં ખાટી છાશ મિક્સ કરો. તેને માથા પર લગાવો અને સુકાઈ જાય ત્યાં સુધી રહેવા દો. બાદમાં તેને સારી રીતે ધોઈ લો. અઠવાડિયામાં બે-ત્રણ વાર આમ કરવાથી ઘણી રાહત મળે છે.
(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ. કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીને લગતી કોઇ પણ જવાબદારી સ્વીકારતું નથી)
