મુંબઇઃ બોલીવુડમાંથી દુઃખદ સમાચાર આવ્યાં છે. પ્રખ્યાત ફિલ્મ અને ટીવી અભિનેતા મુકુલ દેવનું ગઈકાલે મોડી રાત્રે નિધન થયું છે. અભિનેતાએ 54 વર્ષની ઉંમરે અંતિમ શ્વાસ લીધા હતા. અભિનેતાના મૃત્યુના સમાચાર મળતા જ ફિલ્મ ઉદ્યોગમાં શોકનું મોજુ ફરી વળ્યું. અભિનેતાના પરિવારને મોટો આઘાત લાગ્યો છે.
મુકુલ બીમાર હતા અને તેમની સારવાર ચાલી રહી હતી
મુકુલ દેવ સાથે ફિલ્મ સન ઓફ સરદારમાં કામ કરનાર અભિનેતા વિંદુ દારા સિંહે અભિનેતાના મૃત્યુંના સમાચારની પુષ્ટિ કરી છે. મુકુલ છેલ્લા કેટલાક સમયથી બીમાર હતા. તેમની હોસ્પિટલમાં સારવાર ચાલી રહી હતી, ત્યારબાદ તેમણે આ દુનિયાને હંમેશા માટે અલવિદા કહી દીધું છે.
વિંદુ દારા સિંહે દુઃખ વ્યક્ત કરતા કહ્યું- મુકુલ હવે પોતાને મોટા પડદા પર જોઈ શકશે નહીં. માતા-પિતાના મૃત્યુ પછી મુકુલ ઘરની બહાર ઓછા નીકળતા હતા. મુકુલ છેલ્લા કેટલાક દિવસોથી બીમાર હતા અને તેમને હોસ્પિટલમાં દાખલ કરવામાં આવ્યાં હતા.
મુકુલ દેવના નિધનથી વિંદુ દારા સિંહ ખૂબ જ દુઃખી છે. તેમણે અભિનેતા સાથેનો એક વીડિયો શેર કરીને પોતાનું દુઃખ વ્યક્ત કર્યું. વિંદુએ વીડિયો સાથે કેપ્શનમાં લખ્યું - RIP ભાઈ મુકુલ દેવ. હું હંમેશા તમારી સાથે વિતાવેલા સમયને યાદ રાખીશ અને #SonOfSardaar2 માં તમારું છેલ્લું ગીત લોકોને ગમશે.
અભિનેત્રી દીપશિખા નાગપાલને આંચકો લાગ્યો
મુકુલના મિત્ર અને પ્રખ્યાત ટીવી અભિનેત્રી દીપશિખા નાગપાલને અભિનેતાના મૃત્યુથી ખૂબ જ આઘાત લાગ્યો છે. દીપશિખાએ તેના સોશિયલ મીડિયા હેન્ડલ પર મુકુલ સાથેનો ફોટો પોસ્ટ કરીને તેને યાદ કર્યો છે.
મુકુલે ફિલ્મો અને ટીવીમાં ખાસ ઓળખ બનાવી
દિલ્હીમાં જન્મેલા મુકુલે 1996માં ટીવીથી પોતાની કારકિર્દીની શરૂઆત કરી હતી. તેઓ પહેલી વાર મુમકીન સીરિયલમાં જોવા મળ્યાં હતા. તેણે દૂરદર્શનના કોમેડી બોલિવૂડ કાઉન્ટડાઉન શો એક સે વધકર એકમાં પણ કામ કર્યું હતું.
તેમણે 1996 સુષ્મિતા સેન સાથે ફિલ્મ દસ્તકથી બોલિવૂડમાં પોતાની સફર શરૂ કરી હતી. ઉપરાંત તેમણે કિલા (1998), વજુદ (1998), કોહરામ (1999) અને મુઝે મેરી બીવી સે બચાવો (2001) સહિત ઘણી અન્ય ફિલ્મોમાં કામ કરીને ચાહકોના દિલ જીતી લીધા.
મુકુલે હિન્દી અને પંજાબી ફિલ્મો તેમજ ટેલિવિઝન અને અનેક સંગીત આલ્બમમાં પોતાના ઉત્કૃષ્ટ કામથી ચાહકોને પ્રભાવિત કર્યા હતા.મુકુલે કેટલીક બંગાળી, મલયાલમ, કન્નડ અને તેલુગુ ફિલ્મોમાં કામ કર્યું હતું. ફિલ્મ યમલા પગલા દીવાનામાં તેમના દમદાર અભિનય માટે તેમને 7મો અમરીશ પુરી એવોર્ડ એનાયત કરવામાં આવ્યો હતો.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++