મૈક્સટન: અમેરિકાના ઉત્તર કેરોલિનાના શહેર મૈક્સટનની બહાર હેલોવીન પાર્ટી દરમિયાન ગોળીબારમાં 2 લોકોના મોત થયા છે અને 11 લોકો ઘાયલ થયા છે. આ ઘટના રાજધાની રેલેથી લગભગ 95 માઇલ દક્ષિણ પશ્ચિમમાં દક્ષિણ કેરોલિના સરહદ નજીક ડિક્સન ડ્રાઇવ પરના ગ્રામીણ વિસ્તારમાં બની હતી. શેરિફ ઓફિસને સવારે 3 વાગ્યાની આસપાસ ગોળીબારના અહેવાલ મળતા પોલીસ ઘટના સ્થળે પહોંચી ગઇ હતી.
પાર્ટીમાં 150 થી વધુ લોકો હતા, વાહનો, કચરો અને ગોળીઓના નિશાન વિખરાયેલા હતા. શેરિફ બર્નિસ વિલ્કિન્સે જણાવ્યું કે કુલ 13 લોકોને ગોળી વાગી હતી. અમારી સંવેદનાઓ પીડિતો અને તેમના પરિવારો સાથે છે. હત્યાકાંડના તપાસકર્તાઓ સવારથી જ પુરાવા એકઠા કરી રહ્યાં છે અને સાક્ષીઓની પૂછપરછ કરી રહ્યાં છે. શનિવારે બપોર સુધી કોઈ ધરપકડ કરવામાં આવી નથી અને મૃતકોના નામ જાહેર કરવામાં આવ્યાં નથી.
શેરિફ ઓફિસ જનતાને માહિતી માટે અપીલ કરી રહી છે. નોર્થ કેરોલિના સ્ટેટ બ્યુરો ઓફ ઇન્વેસ્ટિગેશન (SBI) પણ તપાસમાં મદદ કરી રહ્યું છે. આ અઠવાડિયે ડિક્સન ડ્રાઇવ પર ગોળીબારની આ બીજી ઘટના છે. બુધવાર 22 ઓક્ટોબરના રોજ 28 વર્ષીય ડેરિયસ મેકનીલની તે જ શેરી પાસે ગોળી મારીને હત્યા કરવામાં આવી હતી.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
