ગાઝાઃ ઇઝરાયેલ ડિફેન્સ ફોર્સિસ (IDF) એ ગાઝા શહેરના સાબ્રા વિસ્તારમાં હવાઈ હુમલામાં હમાસના ટોચના લશ્કરી લીડર હાકેમ મોહમ્મદ ઇસ્સા અલ-ઇસ્સાને ઠાર કર્યાનો દાવો કર્યો છે. અલ-ઈસ્સાને 7 ઓક્ટોબર 2023ના હત્યાકાંડનો માસ્ટરમાઇન્ડ અને હમાસની લશ્કરી પાંખના સ્થાપક સભ્યોમાંનો એક છે.
IDF એ તેના નિવેદનમાં જણાવ્યું કે, અલ-ઈસ્સા હમાસની લશ્કરી તાકાત બનાવવામાં, તાલીમ આપવામાં અને 7 ઓક્ટોબરના હુમલાના આયોજનમાં મુખ્ય ભૂમિકા ભજવી રહ્યો હતો. તેણે હમાસના હવાઈ અને નૌકા હુમલાઓના આયોજનમાં પણ મહત્વપૂર્ણ ભૂમિકા ભજવી હતી
અલ-ઈસ્સા કોણ હતો ?
IDF અને ઇઝરાયેલ સુરક્ષા એજન્સી (ISA) એ પણ કહ્યું કે તેઓ 7 ઓક્ટોબરના હુમલામાં સામેલ તમામ આતંકવાદીઓને શોધી કાઢવા અને તેમની હત્યા કરવા અભિયાન ચાલુ રાખશે. અલ-ઈસ્સા હમાસની જનરલ સિક્યુરિટી કાઉન્સિલનો સભ્ય, તાલીમ મુખ્યાલયનો વડા અને અલ-કાસમ બ્રિગેડની લશ્કરી એકેડેમીનો સહ-સ્થાપક હતો, જ્યાં તે હજારો આતંકવાદીઓને તાલીમ આપવામાં અને ટેકનિકલ ક્ષમતાઓ વધારવાનું કામ કરતો હતો.
IDF એ એમ પણ કહ્યું છે કે અલ-ઈસ્સાએ સીરિયા અને ઇરાકમાં લડાઇ તાલીમ મેળવી હતી અને 2005 માં સીરિયાથી ગાઝા આવ્યો હતો, જ્યાં તે હમાસના લશ્કરી સંગઠનનો મહત્વપૂર્ણ ભાગ બન્યો હતો.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
