સુરતઃ જર્મનીમાં અભ્યાસ કરવા ગયેલા પાટણના રહેવાસી એક યુવકનું શંકાસ્પદ મોત થયું છે. જર્મનીના હોપ સિટીના તળાવમાંથી યુવકનો મૃતદેહ મળી આવ્યો હતો. એકના એક પુત્રના મોતના સમાચાર મળતા પરિવાર ઘેરા શોકમાં ગરકાવ થઈ ગયો છે. વિદેશ મંત્રાલયના સહયોગથી ચિરાગ પટેલનો મૃતદેહ અંતિમવિધિ માટે સુરત લાવવામાં આવશે. મૃતકનો પરિવાર વર્ષો પહેલા પાટણથી સુરત રહેવા ગયો હતો.
પાટણ જિલ્લાના ચાણસ્મા તાલુકાના સેવાળા ગામનો ચિરાગ રમેશભાઈ પટેલ નામનો યુવક જર્મની ઓટોમોબાઇલના અભ્યાસ માટે ગયો હતો પરિવારમાં બે બહેનો વચ્ચે એકનો એક ભાઇ હતો. લગભગ પાંચ વર્ષ પહેલા તે જર્મની ગયો હતો. ચિરાગ પટેલનો પરિવાર ધંધાર્થે સુરત સ્થાઈ થયો હતો.
ચિરાગની જર્મનીના હોપ સિટીના તળાવમાંથી લાશ મળી આવતા અનેક તર્ક-વિતર્ક સર્જાયા છે. રક્ષાબંધનના પવિત્ર તહેવાર પહેલા જ ભાઈના મોતના સમાચારથી બંને બહેનોના માથે આભ ફાટ્યું ગયું હતું.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
