સુરતઃ છેલ્લા એક વર્ષમાં ગુજરાતમાં નકલી સરકારી કચેરીઓ, નકલી ન્યાયાધીશ, નકલી ટોલ બૂથ, નકલી પોલીસ, નકલી આર્મી ઓફિસર, નકલી શિક્ષકો, નકલી ડોક્ટરો, નકલી PMO ઓફિસર ઝડપાયા બાદ હવે મુખ્યમંત્રી કાર્યાલયમાં કામ કરવાના નામે છેતરપિંડી કરનાર નકલી CMO ઓફિસર ઝડપાયો છે. આ નકલી અધિકારી 20 વર્ષથી મુખ્યમંત્રી કાર્યાલયમાં કામ કરતો હોવાનું જુઠ્ઠાણું ફેલાવીને લોકોને છેતરતો હતો.
બારડોલીના રહેવાસી નીતીશ ચૌધરીએ નવસારીના ડેપ્યુટી કલેકટરને ફોન કરીને પોતાને મુખ્યમંત્રી કાર્યાલયના અધિકારી તરીકે ઓળખાવીને રૂપિયા 40 લાખના બદલામાં કામ કરવાની વાત કરી હતી, આ પછી ડેપ્યુટી કલેકટરને શંકા ગઈ અને તેમણે તપાસ કરી તો ખબર પડી કે આવો કોઈ અધિકારી જ નથી. આ પછી તેમને પોલીસ ફરિયાદ નોંધાવી હતી. નવસારી ગ્રામ્ય પોલીસે નીતિશ ચૌધરીની ધરપકડ કરી કાયદેસરની કાર્યવાહી હાથ ધરી છે.
પોલીસે જણાવ્યું કે નકલી CMO ઓફિસર નિતેશ ચૌધરી સુરત જિલ્લાના બારડોલી તાલુકાના મોટી ગામનો રહેવાસી છે. તેણે પોતાનો પરિચય CMOના અધિકારી તરીકે આપ્યો અને 23-10-2024 થી 02-01-2025 દરમિયાન નવસારીના નાયબ કલેક્ટર સાથે ફોન પર વાત કરી હતી, તેને એક જમીન મામલે ડે.કલેક્ટર સાથે ચર્ચાઓ કરી હતી. આ પછી કલેકટરને શંકા ગઈ અને તપાસ કરતાં જાણવા મળ્યું કે મુખ્યમંત્રી કાર્યાલયમાં આવો કોઈ અધિકારી નથી. જે બાદ આરોપીને ઝડપી લેવામાં આવ્યો હતો.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++