રાજકોટઃ ઓનલાઈન ગેમિંગની લતે વધુ એક યુવકનો જીવ લીધો છે. 20 વર્ષીય કૃષ્ણા પંડિતે ભારે નુકસાન સહન કર્યાં બાદ પોતાના ઘરમાં ફાંસી લગાવીને આત્મહત્યા કરી હતી. પોલીસને મૃતકના મોબાઈલમાંથી એક સ્યૂસાઇડ નોટ મળી છે, જેમાં તેને ઓનલાઈન ગેમિંગ એપ્સનું વ્યસન મોત માટે જવાબદાર હોવાનું કહ્યું છે. આ ઘટનાની માહિતી મળતાની સાથે જ પોલીસ સ્થળ પર પહોંચી હતી અને મૃતદેહને પોસ્ટમોર્ટમ માટે મોકલી આપ્યો હતો.
ક્રિષ્ના રાજકોટની કોલેજમાં અભ્યાસ કરતો હતો અને અભ્યાસમાં હોશિયાર હતો. નોટમાં તેણે લખ્યું છે કે, ઓનલાઈન જુગાર યુવાનોને માનસિક અને આર્થિક રીતે બરબાદ કરે છે. મારી આત્મહત્યા દ્વારા હું લોકોને એક સંદેશ આપવા માંગુ છું કે તેઓ આ વ્યસનથી દૂર રહે.
ઓનલાઈન ગેમિંગમાં ભારે નુકશાન બાદ વિદ્યાર્થીએ કરી આત્મહત્યા
યુવકે તેના મિત્ર પ્રિયાંશને સંબોધીને લખ્યું છે કે, મારી છેલ્લી ઈચ્છા છે કે ઓનલાઈન જુગાર હંમેશા માટે બંધ થવો જોઈએ. તેણે સ્ટેક નામની ઓનલાઈન ગેમિંગ એપ પર તેના તમામ પૈસા ગુમાવી દેવાની આશા વ્યક્ત કરી છે.
મૃતકના પિતાએ જણાવ્યું કે તેમને તેમના પુત્રના વ્યસનની જાણ ન હતી. તેમણે અન્ય વાલીઓને અપીલ કરી કે તેઓ તેમના બાળકો પર નજર રાખે અને આવી ઘટનાઓ અટકાવવા સતર્ક રહે. પરિવારે સરકાર પાસે ઓનલાઈન ગેમિંગ એપ્સ સામે કડક કાર્યવાહી કરવાની માંગ કરી છે.
પુત્રના મોતથી પરિવારમાં શોકનો માહોલ છે. આ બાબતે ગાંધીગ્રામ પોલીસે અકસ્માત મોતનો ગુનો નોંધી તપાસ શરૂ કરી છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
