મુંબઇઃ ડીઆરઆઈની ટીમને મોટી સફળતા મળી છે, અંદાજે 37 કરોડ રૂપિયાનું 29.37 કિલો સોનું જપ્ત કરાયું છે. એજન્સીને માહિતી મળી હતી કે છત્રપતિ શિવાજી મહારાજ એરપોર્ટ પર નૈરોબીથી કેટલીક મહિલાઓ આવી રહી છે અને આ ગ્રુપ પાસે સોનું છે.
એજન્સીએ ફ્લાઇટ આવ્યાં બાદ આ 24 મહિલાઓની તપાસ કરી તો તેમની પાસેથી મોટી માત્રામાં સોનું જપ્ત કરાયું હતુ, ઓપરેશન બ્લિટ્ઝ હેઠળ આ કાર્યવાહી કરાઇ હતી.
આ બધાની બેગ, કપડાં અને અન્ય સામાનમાંથી 25.10 કિલોગ્રામ સોનાની લગડીઓ અને 4.27 કિલોગ્રામ સોનાના દાગીના મળી આવ્યાં હતા. આ બધું સોનું ખૂબ ચાલાકીથી છુપાવીને લાવવામાં આવ્યું હતું જેથી સુરક્ષા તપાસમાં ઝડપાઈ ન જાય.
હાલમાં એજન્સીઓ તપાસ કરી રહી છે કે આ સોનું અહીં કોને પહોંચાડવાનું હતુ અને આ મહિલાઓ પહેલા પણ આવી રીતે સોનું લઇને આવી હતી કે કેમ ?
