ડોડા બેઠક પરથી આમ આદમી પાર્ટીની જીત
કિશ્તવાડ સીટથી આતંકી હુમલામાં પિતા-કાકા ગુમાવનારી શગુન પરિહારની જીત
શ્રીનગરઃ જમ્મુ-કાશ્મીર વિધાનસભાની તમામ 90 સીટોના પરિણામ જાહેર થઈ ગયા છે. ચૂંટણી પંચની વેબસાઇટ પ્રમાણે નેશનલ કોન્ફરન્સ સૌથી મોટી પાર્ટી બની છે. એનસીને 41 બેઠકો, ભાજપને 29 બેઠકો, કોંગ્રેસને 6 બેઠકો, જેકેપીડીપીને 3 બેઠકો, જેપીસી, સીપીઈ(એમ) અને આમ આદમી પાર્ટીને 1-1 બેઠકો તથા અપક્ષને 7 બેઠકો મળી છે. વોટ શેરની વાત કરીએ ભાજપને 25.64 ટકા, કોંગ્રેસને 11.97 ટકા, નેશનલ કોંગ્રેસને 23.43 ટકા વોટશેર મળ્યો છે.
શ્રીનગરમાં મીડિયા સાથે વાત કરતી વખતે પીડીપીના વડા મહેબૂબા મુફ્તીએ કહ્યું કે હું કોંગ્રેસ અને નેશનલ કોન્ફરન્સના નેતૃત્વને તેમના શ્રેષ્ઠ પ્રદર્શન માટે અભિનંદન આપું છું. હું જમ્મુ અને કાશ્મીરના લોકોને સ્થિર સરકાર માટે મતદાન કરવા બદલ અભિનંદન આપું છું.
નેશનલ કોન્ફરન્સના વડા ફારૂક અબ્દુલ્લાએ કહ્યું કે 10 વર્ષ પછી જનતાએ અમને જનાદેશ આપ્યો છે. અમે અલ્લાહને પ્રાર્થના કરીએ છીએ કે અમે તેમની અપેક્ષાઓ પર ખરા ઉતરીએ. અહીં 'પોલીસ શાસન' નહીં 'લોકોનું શાસન' હશે. વધુમાં કહ્યું કે અમે નિર્દોષ લોકોને જેલમાંથી બહાર કાઢવાનો પ્રયાસ કરીશું. મીડિયા ફ્રી રહેશે. આપણે હિંદુ અને મુસ્લિમો વચ્ચે વિશ્વાસ પેદા કરવો પડશે. મને આશા છે કે ભારતના ગઠબંધન ભાગીદારો અહીં રાજ્યનો દરજ્જો પુનઃસ્થાપિત કરવા અમારી સાથે લડશે. ઓમર અબ્દુલ્લા સીએમ પણ બનશે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
