Breaking News: ગુજરાત ATS અને કોસ્ટગાર્ડનુ્ં મોટું ઓપરેશન, દરિયામાંથી 200 કિલોથી વધુ ડ્રગ્સ જપ્ત

પોરબંદરઃ સુરક્ષા એજન્સીઓને ફરી એક વખત મોટી સફળતા મળી છે, ગુજરાત એટીએસ અને કોસ્ટ ગાર્ડે પોરબંદર પાસે દરિયામાંથી 200 કિલોથી વધુનું ડ્રગ્સ જપ્ત કરીને ડ્રગ્સની હેરાફેરીનો પ્રયાસ નિષ્ફળ બનાવ્યો છે.

આ કન્સાઈનમેન્ટ પોરબંદર જેટી પર લાવવામાં આવશે, ગુજરાત એટીએસ દ્વારા આ હેરાફેરીમાં સામેલ બે ઈરાની નાગરિકોની ધરપકડ કરવામાં આવી છે. ભારતીય કોસ્ટગાર્ડ અને ATS એ દરિયામાં આ ઓપરેશન પાર પાડ્યું છે.

અંદાજે 200 કિલોથી વધુ ડ્રગ્સ ઝડપી પાડવામાં આવ્યું છે, જેની આંતરરાષ્ટ્રીય બજારમાં કિંમત કરોડો રૂપિયામાં છે, હાલમાં આ ડ્રગ્સનો જથ્થો ક્યાં લઇ જવાનો હતો તે દિશામાં તપાસ થઇ રહી છે.