Gujarat Post Fact Check News: ઈન્ટરનેટ અને સોશિયલ મીડિયાના યુગમાં ફેક ન્યૂઝ એક મોટી સમસ્યા બનીને ઉભર્યાં છે. દરરોજ સામાન્ય લોકોથી લઈને મોટા નેતાઓ અને સ્ટાર્સ દરેક સોશિયલ મીડિયા પર વાયરલ ફેક ન્યૂઝના નિશાને છે. ફેક ન્યૂઝનો લેટેસ્ટ મામલો સ્ટાર ક્રિકેટર વિરાટ કોહલી સાથે સંબંધિત છે. વિરાટની એક તસવીર સોશિયલ મીડિયા પર વાયરલ થઈ રહી છે જેમાં તે કોંગ્રેસ નેતા રાહુલ ગાંધીનો વીડિયો જોઈ રહ્યો છે. જો કે, ફેક્ટ ચેકમાં જાણવા મળ્યું છે કે વિરાટની તસવીર એડિટ કરવામાં આવી છે.
વિરાટ કોહલીની એક તસવીર સોશિયલ મીડિયા પર વાયરલ થઈ રહી છે. આ તસવીરમાં વિરાટ ખુરશી પર બેઠો છે અને પોતાના મોબાઈલ પર રાહુલ ગાંધીનો વીડિયો જોઈ રહ્યો છે. આ તસવીર શેર કરતા ફેસબુક યુઝર નૌશાદ આલમે લખ્યું- વિસ્ફોટક બેટ્સમેન વિરાટ કોહલી પણ રાહુલ ગાંધીને પસંદ કરે છે. તસવીર વાયરલ થઈ રહી છે. જ્યારે X પર, રાજશ્રી યાદવ નામના યુઝરે લખ્યું - વિરાટ કોહલી રાહુલ ગાંધીની પ્રેસ કોન્ફરન્સ સાંભળી રહ્યો છે, RT રોકવું જોઈએ નહીં."
વિરાટ કોહલીની આ તસવીર સોશિયલ મીડિયા પર મોટી સંખ્યામાં વાયરલ થઈ રહી છે. તેથી અમે આ દાવાની તપાસ કરી. ફેક્ટ ચેક દરમિયાન વિરાટ ગેંગ દ્વારા ફેસબુક પર શેર કરવામાં આવેલી એક પોસ્ટ પણ મળી. જેમાં, બરાબર એ જ તસવીર શેર કરવામાં આવી છે અને તેમાં લખવામાં આવ્યું છે - વિરાટ કોહલી જાહેરાતનું શૂટિંગ શરૂ થતાં પહેલાં ચિલિંગ કરી રહ્યો છે. જો કે, આ તસવીરોને ઝૂમ કર્યાં બાદ વિરાટના મોબાઈલમાં રાહુલ ગાંધીનો કોઈ વીડિયો દેખાતો ન હતો. મામલો સ્પષ્ટ હતો, રાહુલ ગાંધીનો વીડિયો જાણી જોઈને એડિટ કર્યા બાદ અહીં ઉમેરવામાં આવ્યો હતો. સોશિયલ મીડિયા પર જે વાયરલ તસવીરમાં વિરાટ કોહલી કોંગ્રેસ નેતા રાહુલ ગાંધીનો વીડિયો જોઈ રહ્યો છે તેને એડિટ કરવામાં આવ્યો છે. હકીકતમાં આવું કંઈ નથી. યુઝર્સને આવી પોસ્ટથી સાવધ રહેવાની સલાહ આપવામાં આવે છે.
સૌથી ઝડપી સમાચારો માટે આ લિંક પર ક્લિક કરો
Gujarat Post News | Gujaratpost | Gujaratpostnews | Gujarati news webportel| Gujarati news website
પોપ્યુલર સ્ટોરી માટે આ લિંક પર ક્લિક કરો
Popular stories | Gujarat Post
ગુજરાતના લેટેસ્ટ સમાચારો માટે આ લિંક પર ક્લિક કરો
રાજનીતિના સમાચારો માટે આ લિંક પર ક્લિક કરો