સુરત: પોલીસે 6.5 મિલીલીટર કોબ્રાનું ઝેર જપ્ત કર્યું છે. આ ઝેરની બજાર કિંમત આશરે રૂ. 5 કરોડ 85 લાખ હાવાનો દાવો છે. સુરત પોલીસ સ્પેશિયલ ઓપરેશન ગ્રુપ (SOG) એ આ કેસમાં 7 લોકોની ધરપકડ કરી છે. પ્રાથમિક તપાસમાં જાણવા મળ્યું છે કે આરોપીઓએ કોબ્રા સાપનું ઝેર કમિશન પર વેચવાની યોજના બનાવી હતી. પોલીસે છટકું ગોઠવીને ગેંગને પકડી પાડી હતી. ઝેર ફોરેન્સિક લેબમાં મોકલવામાં આવ્યું છે.
ઝેરના દાણચોરો પોલીસ કસ્ટડીમાં કેવી રીતે આવ્યાં ?
સુરત સ્પેશિયલ ઓપરેશન ગ્રુપ (SOG) ને બાતમી મળી હતી કે કેટલાક વ્યક્તિઓ સુરતમાં સાપના ઝેરનો વેપાર કરવા માટે ફરતા હતા. SOG એ ગ્રાહકો તરીકે પોતાને રજૂ કરીને અને તેમને સાપનું ઝેર ખરીદવા માટે મોટી રકમની ઓફર કરીને છટકું ગોઠવ્યું હતું. ગેંગના સભ્યોએ સુરતના સરથાણા વિસ્તારમાં પટેલ લાઈફ પાર્ટનર મેરેજ બ્યુરોમાં એક મીટિંગ ગોઠવી હતી. સ્પેશિયલ ઓપરેશન ગ્રુપે (SOG) તે સ્થળે દરોડા પાડ્યા અને તેમને રંગે હાથે પકડી લીધા હતા. અહેવાલો અનુસાર, અમદાવાદના એક ઝવેરી દ્રારા કોબ્રાનું ઝેર સુરત લાવવામાં આવ્યું હતું, પરંતુ કોઈ પણ સોદો થાય તે પહેલાં સુરત પોલીસના SOG એ ઝેરના દાણચોરોને પકડી લીધા હતા.
ઝેરનો સોદો 9 કરોડ રૂપિયામાં નક્કી થયો હતો
આ કેસની માહિતી આપતાં સુરત પોલીસે જણાવ્યું કે SOG એ ગુજરાતે તેના ઇતિહાસમાં પહેલીવાર કોબ્રાનું ઝેર જપ્ત કર્યું છે. આંતરરાષ્ટ્રીય બજારમાં એક મિલી કોબ્રા ઝેરની કિંમત રૂ. 90 લાખ છે. સ્પેશિયલ ઓપરેશન ગ્રુપ (SOG) એ કુલ 6.5 મિલી ઝેર જપ્ત કર્યું, જેની કિંમત રૂ.5.85 કરોડ છે. આરોપીઓ વડોદરા, સુરત, અમદાવાદના છે, વોન્ટેડ આરોપી ઘનશ્યામ સોની અમદાવાદનો છે. ઝેરનો સોદો રૂ. 9 કરોડમાં થયો હતો.
Android મોબાઇલ માટેઃ https://play.google.com/store/apps/details?id=com.gujaratpost.app
iOS મોબાઇલ માટેઃ https://apps.apple.com/in/app/gujarat-post/id6475000526+++